Home » Den edukashon / in het onderwijs » Inspirashon pa Edukadó

INSIPIRASHON

Un maestro por promové edukashon i kresementu sosial-emoshonal den su grupo aplikando loke e mes a keda inspirá pe i tambe dor di ta un ehempel aktivo. E por simplemente apliká loke e website aki ta trese durante di su lesnan, den kurso di dia. Kedando sensitivo pa ku nesesidat di su alumnonan e por yuda nan sinti nan mes seif, sigur i konfidente.  Tambe por  ehempel  e por pidi e muchanan yuda otro bini ku solushon pa un problema riba tereno sosial ku ta biba entre nan. E por laga muchanan tuma parti den un kombersashon riba tereno di reto sosial. Esaki tambe por sirbi komo un les.

 

E posibilidat pa muchanan krea relashonnan positivo ta mas grandi ora  maestronan ta:

  • un ehempel di un kondukta sosial apropiá 

  • duna muchanan e oportunidat pa nan tren i desaroyá kalidatnan sosial-emoshonal nobo

  • ta duna guia di un forma eksplisito.

  • ofresé kurikulonan ku ta inkluí aspektonan relevante di e mucha su bida i di su kultura

  • ta konektá ku mayornan di un forma habrí i di igualdat ku respét mutuo, pa yuda e mucha krese kapasidatnan sosial-emoshonal ekselente 

  • reflektá un etika di stimashon i nutrishon sosial emoshonal positivo

 

Ehempelnan produktivo ku e kondukta di e maestro mester por reflektá, ta inkluí :

  • demostrá rèspét i balorá e alumnonan su kultura, idioma di kas i di nan país 

  • modelá un forma kordial pa usa idioma i lenga i enkurashá e muchanan pa imitá bo forma di aktua 

  • enkurashá e muchanan pa nan pensa empatikamente pa medio di preguntanan manera: 'dikon bo ta kere ku e ta yora?;

  • yuda e mucha pa e ta konfidente i desaroyá kalidatnan i kapasidatnan, dor di laga nan tuma parti den solushoná problema, por ehempel puntrando nan:  'Bo por pensa  un manera ku por yuda bo korda pa bo warda riba bo turno?'

  • atendé na señalnan di trauma personal dunando apoyo adishonal na e mucha ku ta eksperensiando stres ku no ta komún den su bida

.