KURSO

Ora muchanan bira teenager, nan ta kuminsá  haña mas oportunidat pa tuma nan mes desishonnan. Pa falta di bon guia den e fase aki, nan por perde konekshon ku  komportashon i pensamentu ku por yuda nan krea un bon futuro. 

Tuma desishon riba su mes kaba ta bini hopi bia ku stres. Apesar di esei e sistema ku nos tempu moderno ta hinká den otro  ta pone mas i mas preshon pa muchanan skohe for di hopi posibilidat, lihé i  kuminsando or di  un edat hopi hoben.

Esaki ta pone ku nan ta skohe basá  riba loke nan mira otro hasi o basá riba informashon via di media.

E informashonnan (di media) aki mayoria bia no ta ankrá den e pensamentu di benefisio pa un persona o komunidat pero den  benefisio ekonómiko o personal pa esun ku ta trese  e informashon.

Un mucha, na un edat hoben ta siñado kon pa e bira un adulto ku por skohe sabí. Ta nifika ku mayoria bia e hoben no ta kla pa komprende kon e ta keda manehá pa loke ta pasa pofó di dje, pasobra e no tin sufisiente eksperensia di bida.

 

Algun ehèmpel di aktividatnan ku por bini ku preshon:

  • preshon pa nan por pas den grupo di muchanan di nan edat.

  • preshon di ke presta nan skol o den aktividatnan manera deporte etc.

  • preshon pa skohe un direkshon di estudio

  • preshon pa  krea tempu pa por  hiba un bida saludabel.

  • preshon pa trata ku kambionan hormonal, emoshonal i fisiko ku ta tuma luga den nan mes

  • preshon pa trata ku tur kambio ku ta tuma luga hopi lihé den mundu

  • preshon den situashon familiar.

  • preshon pasobra banda di bai skol nan ta traha tambe pa gana sen

  • preshon pa motibu di un futuro insigur 

Ku tantu preshon, situashon por bira difisil pa e hoben.

Den e workshopnan aki nos ta duna e hoben:

  • un base / roadmap ku ta yudé skohe pa klaridat di pensamentu i sintimentu, krea amistat sano i skohe pa loke ku ta benefisiá su bida. 

  • nan ta risibí hopi ehersisio i metodonan pa yuda nan 'shift' nan pensamentu i nan enfoke den un direkshon positivo.

  • e ta siña komuniká su pensamentu i sintimentu sin ku e mester di tin berguensa

  • e ta siña di ta mas kritiko 

  • huntu nan ta siña  kon krea un abmiente den kua nan tur por sinti nan mes safe.

  • nan ta siña kon mantené un ambiente sano pa tur ku ta presente

  • nan ta siña kon traha espasio pa por komuniká, tambe tokante temanan ku ta difisil

  • nan ta siña kon i dikon ta bon pa respetá otro su opinion i tambe otro su presensia den e grupo

  • nan ta  rekonosé otro su kalidat, tambe kon ekpresá nan apresio ora e otro kompartí di su kalidat o punto di bista

  • nan ta siña  e forsa ku ta base di un komunidat o grupo sano

  • nan ta tuma un posishon mas kreativo enbes di ta reakshoná riba tur kos

  • nan ta siña kon i pa kiko ta bon pa respetá nan mes

  • nan ta siña dikon ta bon partisipá den kambio positivo

.