Wega, kuenta i Kultura

Awendia wega di mucha ta hopi konsentrá riba weganan online manera Playstation, Nintendo etc. Pero hopi di nos por korda e tempu  ku muchanan tabata topa huntu pafó, hungando nan weganan faborito den kurá o riba kaya. Nan tabata liber i nan no tabata tin nesesidat di hopi atributo . Apesar ku e weganan tabata hopi dushi pa hunga, nan tabata yuda pa krese kapasidatnan riba tereno di interakto sosial  i tambe físiko manera kordinashon di wowo i man, fleksibilidat korporal i tambe forma di pensa stratégikamente, matemátika etc. Tur esakinan tabata tene e muchanan sumamente sano.

Durante di Siman di Kultura lo mi introdusí muchanan ku:

• e eksperensianan aki atrobe hasiendo uso di weganan ku muchanan ta hunga den diferente kultura, manera paisanan den kontinente Afrika, i tambe di Indjanan.
• kon e muchanan den komunidat di e Indjanan tabata wordu tratá i prepará pa bira hendnan responsabel den nan komunidat, hasiendo uso di wega i naturalesa
• kon e muchan ta yuda otro i trata ku otro pa huntu nan por yega mas leu den nan meta
• kuenta di diferente kultura
• kantika di diferente kultura
• baile di diferente kultura
• kon importante amigu i amiganan ta
• kon sera i mantene amistat positivo