Ban krea un base ku ta ankrá mas den kreatividat i menos den lucha pa sobrebibí

Ku e komprendimentu ku nos mester  sostené nos edukadónan  i  duna nan un man pa yuda nos muchanan progresá, mi ta duna e trainingnan aki:

Metodo 1. Estado mental positivo   NLP jong leren communiceren asina e dosente por (durante di les), kompartÍ ku e muchanan formanan pa nan por kambia nan pensamentu i forma di mira kos. Asina e edukadó i e mucha por komuniká nan sintimentu di un forma positivo i apoyá otro pa hasi meskos. Esaki ta kambia e ambiente den klas i muchanan ta sinti nan mes mas na kas i seif.Tambe e muchanan ta risibí e preparashon nesesario pa nan por interkambiá di un forma positivo den futuro. Kuminsá awor. Abo tambe por tin un klas ku un dushi ambiente.

Metodo 2. Bon kualidat sosial i emoshonal   Kompletá e sirkulo di enseñansa  Aparte di siña hopi den e area kognitivo tin e kalidatnan sosial-emoshonal ku adulto i mucha mester desaroyá den e tempu aki, pa asina nan por sigui partisipá den un mundu ku ta kambiando rapidamente. Bo tambe por yuda bo muchanan balansá i desaroyá nan  kualidat kognitivo i sosial-emoshonal.

Metodo 3. Maestria den kon trese bo mensahe Awel, laga ami konta bo un kos Nos tur ta konta otro tur sorto di kos. Awor, kiko ke men si bo tin 13 perspektiva (empowering perspectives) for di kua bo por skohe pa trese bo mensahe?  Awor bo por eduká bo mes den kon konta un kuenta o eksperensia, trese informashon, duna instrukshon, kompartí inspirashon, mientras bo ta habriendo kaminda pa e muchanan drenta nan forsa. Mientras abo ta konta, abo tambe ta konektá mas ku bo forsa  di un forma autentiko.  Eksperensiá kon trese bo mensahe di un forma fuerte, i atraktivo i ahinda mas edukativo! Bo tambe por yuda bo muchanan bira bon kontadó, instruktor , maestro di seremonia ets.

Metodo 4. Kaba ku konfushon, uni mente i kurason Mi sa den mi kabes, mi sa den mi kurason Tin bia nos kurason ta bisa esaki pero nos mente ta bisa algu otro. Tin un forma fasil pa trese mente i kurason riba un liña ku otro, pa bo por sali for di duda i  aklará ki direkshon bo ke bai i tambe ki paso bo por tuma. Esaki ta un forma fuerte i fasil pa un maestro o un team por skohe direkshon. Tambe e maestro por siña su alumnonan kon hasi esaki. Ademas tur ta siña tuma responsabilidat i ta kapas pa splika ku konvikshon dikon e ta hasi un eskoho. Kada bes bo por hasi uso di e mesun metodo pa  wak si ahinda  bo proseso ta bai den e direkshon ku bo ta deseá. Abo i bo team o klas por funshona ku mente i kurason uní.

Metodo 5. Krea un komunidat sano i fuerte Huntu nos ta  fuerte   mucha i tambe  adulto por yuda pa krea un komunidat fuerte. Den un komunidat sano, hende  por skucha otro, tin kolaborashon, tur por siña di otro i tambe komprendé kiko kada un miembro ta aportá den benefisio di e total. Kada persona den un team o den un grupo tin un otro kualidat. Ora nan por rekonosé i nombra e kualidatnan di nan mes i di e otro, nan sa kon apresiá  otro su presensia i tambe inkluí e kualidatnan presente den un proseso pa benefisio di e totalidat.  E forma di traha aki ta laga tur partisipante sinti nan mes bon biní. Tambe kada persona ta komprendé mas miho ki ora nan forsa i kualidat ta nesesario i ki ora no. Bo skol tambe por tin un team fuerte kaminda tur miembronan su kualidat ta keda apliká kaminda i ora ta nesesario.

6. Charlanan Inspirashon pa mayor i maestro / vitalidat den edukashon

Mi ta kompartí ku maestronan, mayornan i muchanan, metodonan ku a proba nan mes. Nan ta trese vitalidat bek den edukashon. Esaki ta yuda un team i tambe nos muchanan riba tereno sosial, sosial-emoshonal, kreativo i komunikativo.

Dikon trese Vitalidat den edukashon?

Vitalidat den edukashon ta dependé di e balansa entre forsa di tur esunnan konserní ku edukashon,  i nan kapasidat pa adapatá kada bes ku esaki ta  nesesario. Den e trainingnan aki i tambe den e charlanan nos ta  kompartí modonan pa adaptá mas lihé pusibel.

++++++++++++++++++++++++++++++++++++++++++++++++++++++++++++++++++++++++++++++++++